ఒక్కోసారంతే
నిస్సహాయత అసమర్థత్వం అసహనంగా మారి వెంటాడుతూ
వేటాడుతూ నిలవనీయవు అలా అని పరుగెత్తనీయవు
నీరసంగా ఓ మూల కూలబడేట్టు చేసి
మొన్న ఈలం
నిన్న ఎన్నికల ఫలితాలు
నేడు పోలవరం బిల్లు
ఎన్నాళ్ళుగానో పాలస్తీనా
ఒక్కోటీ ఒకదానికొకటి ముడిపడే వున్నట్టు
నెత్తురంటిన దారపు కొసలు ముడివడీ పడనట్టు
నీ కళ్ళపై ఓ కఫన్ అల్లిక చేరి నిద్రపొమ్మని
గట్టిగా నీ మెడ నరం తెగేట్టు కొరికినట్టు
ఆవులింతల మధ్య ఆవిరయ్యేనా ఈ
క్షణాల ప్రకంపనల తీవ్రత
మరిగే రక్తం టీ కాచే పాత్రను వీడి బయటకు రాని డికాక్షన్ లా కుత కుతలాడుతూ
వాడొక్కా బాలూ తంతూ లాటిన్ అమెరికా యవ్వనపు శీర్షాన్ని విరగతన్ని
బంగారపు బంతిని ఎగరేసుకు పోయి
నాజీల మారాజూ విరగబడినవ్వుతున్నాడు...
ఇదంతా గొలుసుగా కొనసాగినా మనకు మన చర్మానికి
ముక్కుపుటాలకి కమురు కంపు తెలీనివ్వని చంకలనిండా పూసుకున్న
AXE మత్తులో జోగుతూ సెలవింక....
కామెంట్‌లు లేవు:
కామెంట్‌ను పోస్ట్ చేయండి
ఆలోచనాత్మకంగా..