23, మార్చి 2011, బుధవారం

స్వేచ్చాప్రియా...



మా బువ్వ కుండలో
ఉచ్చబోసి
మా గాదెలోని
ధాన్యాన్ని తగలబెట్టి
మా ఆడాళ్ళను చెరిచి
సహచరులను చంపి
మా గుండెల్లో
గాయం చేసిన
నేరగాళ్ళెవరో కాదు
నేలపైనే తయారు కాబడ్డ
త్రాచు పాములు, తేళ్ళ
పేరుతో బుసలుకొడ్తున్న
రాజ్య రక్షక భటులు...

కానరావివి మీ ప్రజాస్వామ్యపు
విశాల నేత్రాలకు....

నెత్తురోడుతూ
బూడిదపాలైన
మా జీవితాలకు
సమాధానం చెప్పగలవా
స్వేచ్చా ప్రియా?

నీ మానవత్వపు అసలు
రంగు బూడిద కాదా?

(చత్తీస్ఘడ్ లోని దంతెవాడ దగ్గరి తర్మెట్ల ప్రాంతంలో ఈ నెల 11న ప్రభుత్వ గూండాల దాడిలో బూడిదైన ఆదివాసీ బతుకు చిత్రం..సోర్సు

21, మార్చి 2011, సోమవారం

యుద్ధము - శాంతి



చారల టోపీ వాడి

దురహంకారానికి

చిహ్నంగా మరో మారు

నేలమట్టమైన మెసపటోమియా

నాగరికత...


స్వతంత్రతను అంగీకరించలేని

'వాడి' దౌష్ట్యానికి

గుర్తుగా నేడు మిగిలిపోయిన

ఇరాక్ ఓ గాయపడ్డ హృదయం

నెత్తురోడుతున్న దేహం...


చివరి శ్వాశ వదుల్తూ

గర్జించిన ఎడారి సింహం

సద్దాం మనకాలపు వీరుడు...


యుద్ధం యుద్ధం

యుద్ధ మూలాలను

తవ్విపోయడానికి

జరగాల్సింది యుద్ధమే...


యుద్ధం లేని శాంతి

అంతరంగాన అశాంతినే

మిగులుస్తుంది....


యుద్ధం వద్దన్న

నినాదం మిన్నంటిన

వేళ 'వాడు' తుపాకీనే

శ్వాశిస్తున్నాడు...


మరి ప్రజలు సాయుధులు

కాకపోతే

వాడు శవాలపై

శాంతి జెండా ఎగరవేయాలని

చూస్తున్నాడు...


ఈ కుట్రను కుతంత్రాన్ని

ప్రజాయుద్ధమే

జయించగలదు...


(నిన్నటికి ఇరాక్ పై అమెరికా దురాక్రమణ జరిగి ఎనిమిదేళ్ళు పూర్తైన సందర్భంగా వైట్ హౌస్ ఎదుట నిరసన ప్రదర్శనలు జరిగాయన్న వార్త చదివి)