9, డిసెంబర్ 2011, శుక్రవారం

డిసెంబరు 9ని మోసపూరిత దినంగా పాటిద్దాం



అమ్మలకన్న అమ్మ సోనియమ్మ పుట్టిన రోజు కానుకగా తెలంగాణా ఇచ్చేస్తామని కేంద్ర గృహమంత్రివర్యులు ప్రకటించి అప్పుడే రెండేళ్ళు పూర్తికావచ్చాయి. మళ్ళి కేక్ రెడి అయిపోయింది.. వందలాది మంది విద్యార్థుల, ఉద్యమకారుల పీకలు కోసి నెత్తురంటిన చాకుతో ఈరోజు మరల అమ్మగారి పుట్టిన రోజుకు ముస్తాబవుతోంది. ఇంత పచ్చి మోసపూరిత, దగాకోరు పాలక వర్గానికి వత్తాసుగా ఉద్యమ పార్టీలమని చెప్పుకుంటూ పబ్బంగడుపుతున్న నారకత్వం, అటు అధికార ప్రతిపక్ష వర్గాలలో వున్న తెలంగాణా నపుంసక నాయకత్వం ప్రజలను మోసం జేయడంలో ఎవరికి వారే ముందుంటూ జనం బతుకులను ఆగమాగం జేయడంలో తమదే పైచేయిగా పెత్తనం జేయ జూస్తున్నారు. ఉవ్వెత్తున ఎగసిపడిన విద్యార్థి యువజన లోకాన్ని తీవ్రమైన నిర్బంధంతో అణచివేసి, ఉద్యోగ సంఘాలంతా చేపట్టిన సకలజనుల సమ్మెను విద్రోహంతో కుప్పకూల్చి పాలకవర్గ తాబేదార్లతో కుమ్మకై ఇప్పుడు అభివృద్ధి మండలి పేరుతో నిధులను దొబ్బి నొక్కేయడాన్కి ప్రయత్నిస్తున్నారు. ఇలా ఆరు దశాబ్ధాల తెలంగాణా ప్రజల ఆకాంక్షను సొమ్ము చేసుకుంటున్న మోసపూరిత రాజకీయ నాయకత్వం నుండి ప్రజా ఉద్యమాన్ని రక్షించుకొని ఉధృతం చేసే బాధ్యతను విద్యార్థి యువజన వర్గం చేపట్టాల్సిన అవసరం నేడు మరింతగా బలపడుతోంది. కావున ప్రజల ఆకాంక్షను నెరవేర్చే బాధ్యతను ప్రజాస్వామిక, మేధావి, విద్యార్థి, యువజన, కార్మిక, ఉద్యోగ, రైతు సోదరులంతా కలగల్సి చేపట్టి అమరుల స్వప్నాన్ని నెరవేర్చడానికి ప్రతిన బూనుతూ డిసెంబరు 9 మోసాన్ని ప్రపంచమంతా చాటి చెప్పాలని కోరుకుంటు..

జైతెలంగాణా...

తెలంగాణా పోరులో అమరులైన వారికి జోహార్లు...

అమరుల ఆశయాలను కొనసాగిద్దాం...

జాతుల విముక్తి పోరాటాలు వర్థిల్లాలి....

24, నవంబర్ 2011, గురువారం

చిదంబరం గ్రూపునకు మమత చెల్లించిన కప్పం..




రోజు సాయంత్రం వరకు ఫాసిస్ట్ పాలకవర్గం దాచిన వార్త కిషన్జీ హత్య. పశ్చిమ బెంగాల్ లోని పురూలియా వద్ద మావోయిస్ట్ కేంద్ర కమిటీ సభ్యులు, అరవై ఏళ్ళ వయసు ముప్పాఐదేళ్ళకు పైగా ప్రజా ఉద్యమ జీవితంలో వున్న నేతను కేంద్ర బలగాల సాయంతో హత్య గావించి తన ఎన్నికకు పరోక్షంగా సహకరించిన కార్పొరేట్ దొర చిదంబరం ఆండ్ కోకు మమత ఇచ్చిన బహుమానం ఇది.

పశ్చిమ బెంగాల్ లో గత ముప్పైఏళ్ళకు పైగా అధికారంలో పాతుకుపోయి ఫాసిస్ట్ గా మారిన మార్క్శిస్ట్ పార్టీ ప్రజలకు వ్యతిరేకంగా తీసుకున్న నిర్ణయాలకు వ్యతిరేకంగా జంగల్ మహల్ లో ప్రజా ఉద్యమాన్ని నిర్మించి సింగూర్ మొదలుగా గల విధ్వంసకర పారిశ్రామికీకరణను ప్రజా ఉద్యమం ద్వార పోరాడి పెట్టుబడిదారుల గుండెల్లో బల్లెంలా మారిన కిషన్జీ @ మల్లోజుల కోటేశ్వర రావును హత్య చేసి కాంగ్రెస్ ఋణం తీర్చుకుంది మమత..

భారత దేశ ప్రజా ఉద్యమ చరిత్రలో సుదీర్ఘ కాలం తన పోరాట రూపాలతో ప్రజలలో మమేకమై అత్యంత ఆధునిక సాంకేతిక మిలటరీ పరిజ్ఞానానికి కూడా చిక్కకుండా జంగల్ మహల్గా పిలిచే లాల్ఘర్, సింగూర్, పురూలియా ప్రాంతాలలో బలమైన ప్రజా ఊద్యమాన్ని నిర్మించి పాశవిక ఫాసిస్ట్ రాజ్యానికి వ్యతిరేకంగా ఆదివాసీ అణగారిన ప్రజా సైన్యాన్ని నిర్మించి రాజ్య సైనిక బలగాలకు సవాల్ గా నిలిచిన మావోయిస్ట్ నాయకుడు కిషన్జీ..

ఒకవైపు శాంతి చర్చలకు ఆహ్వానిస్తూ మరోవైపు వేలాది కేంద్ర పారా మిలటరీ బలగాలతో ఉద్యమకారులను మట్టుబెట్టేందుకు ముందుకు వస్తున్న మమత చిదంబరంల వ్యూహాన్ని హత్య బయట పెడుతోంది.. ప్రజా ఉద్యమాల పట్ల రాజ్య ఫాసిస్ట్ నిర్బంధాన్ని ప్రజాస్వామిక వాదులు, మేధావులు ఖండించడాన్ని కూడా సహించలేనంత ఫాసిస్ట్ ముఖాన్ని ఇటీవల మమత బయటపెడుతోంది.. రాజ్యహింసను మేధావులు, రచయితలు, విద్యార్థి, హక్కుల సంఘాలు ఖండిస్తూ ప్రజా చైతన్యాన్ని బలోపేతం చేస్తూ ఉద్యమాలను కొనసాగించాల్సిన అవసరాన్ని హత్య మరో మారు గుర్తు చేస్తోంది...

12, అక్టోబర్ 2011, బుధవారం

అడవిపై అధికారం ఆదివాసీలదే

అటవీ హక్కుల చట్టం పేరుతో చేసిన చట్టం అమలుకు ఇప్పుడు ప్రభుత్వ అధికారులు, పాలక వర్గం తంటాలు పడుతోంది. నిజంగా ఈ చట్టంలో పొందుపరచిన అంశాలు అమలు జరిగితే కొడిగడుతున్న ఆదివాసీ బతుకులు కొంతమేర నిలదొక్కుకునే అవకాశం ఉంటుంది..కానీ నిజాయితీ కొరవడిన పాలకవర్గాలు ఆచరణలో దీనిని తూట్లు పొడవడానికే చూస్తున్నాయి.. ముఖ్యంగా వలస పాలనా అవశేషంగా మిగిలిన నేటి అటవీ శాఖ ఈ చట్టం అమలుద్వారా తమ అధికారాన్ని కోల్పోతుంది.. సెజ్ లపేరుతో, అభయారణ్యాల పేరుతో, సహజవనరులను కొల్లగొట్టడానికి పారిశ్రామికీకరణ ముసుగుగా, మావోయిస్టుల పేరుతో ఆదివాసీలను నాజీ కాన్సంట్రేషన్ కాంపులకంటే హీనంగా వున్న షెల్టర్లలోకి నెట్టివేయబడుతున్న చర్యలకు అడ్డుకట్టవేయడానికి ఈ చట్టం పోరాడే హక్కుల సంఘాలు, ప్రజాస్వామిక వాదులకు ఒక సాధనంగా ఉపయోగపడుతుంది. కానీ చిత్తశుద్ధి లోపించిన అధికారగణం వేదాంత, జిందాల్ కంపెనీలకు, కాఫీతోటల పెంపకం పేరుతో ఆదివాసీల భూములను లీజుకు, రకరకాల పేర్లతో పరాయివాళ్ళకు అంటగట్టే ప్రయత్నాన్ని, పోలవరం వంటి భారీ ప్రాజెక్టుల ద్వారా నిర్వాసితులవ్వడమే కాక లక్షలాది ఎకరాల భూమి ముంపు ద్వారా కోల్పోయే సహజ వనరులు, తమకు నిలువ నీడలేకుండా చేయడాన్ని ఆదివాసీలు తీవ్రంగా ఎదుర్కొనవలసి వస్తోంది. తమ ఉనికికే ప్రమాదకరంగా మారిన నేటి కార్పొరేట్ పాలకవర్గంపై పోరాడడానికి ఎంతో తీవ్రంగా ప్రయత్నిస్తోంది. ఈ పోరాటాలను తీవ్రమైన సైనిక చర్యలద్వారా అణచివేయడానికి రాజ్యం ఆపరేషన్ గ్రీన్ హంట్ పేరుతో ఇప్పటికే తీవ్రమైన నిర్బంధాన్ని అమలు చేస్తోంది. దీనిని ప్రజా పోరాటాల ద్వారా ఎదుర్కొనే ప్రయత్నం సాగుతూనే వుంది. ప్రజాస్వామిక వాదులు, విద్యార్థి మేధావి వర్గాలు తప్పని సరిగా తమ మద్ధతు తెలపాలని కోరుకుంటూ...

17, సెప్టెంబర్ 2011, శనివారం

మోడీ గారి దూకుడు..



భావి బిజెపి వారి ప్రధాని అభ్యర్థిగా తనను తాను ప్రకటించుకుంటూ దూకుడుగా దూసుకు వస్తున్న నరేంద్ర మోడీ ఈరోజు మన తెలుగు పత్రికలకు సైతం ఇచ్చిన భారీ ప్రకటనలు చూస్తుంటే ఈయనగారికి ప్రజల సొమ్ము పట్ల వున్న బాధ్యత అర్థమవుతోంది...తన పుట్టిన రోజును సధ్బావనా దివస్ గా జరుపుకోమని ఆర్డరేస్తూ దీక్షను చేపట్టడం ఎవరి సద్భావన కోసం...చేసిన మారణకాండ మచ్చను చెరుపుకొనే ప్రయత్నంలో భాగంగా జాతీయ నాయకునిగా అవతారమెత్త జూస్తుంటే ఈయన గారి చిలక పలుకు వింటూంటే బంగారు కడియం - ముసలి పులి కథ గుర్తుకు వస్తోంది....

మరో ఫాసిస్ట్ పాలన వైపు మరలకుండా తగు జాగ్రత్త వహించాల్సిన అవసరమెంతైనా వుంది....వేలాది మంది ప్రాణాలను బలిగొన్న వారికి ఈ దేశంలో ఏ శిక్షా పడదని, నెత్తురు మరకలను కడుగుకొనేందుకు బూటకపు ఎన్నికల మేళా తోడ్పడుతున్నంత కాలం ఈ విషాదం వెంటాడుతూనే వుంటుంది...ఈ హిట్లర్ అంశ వున్న వాళ్ళను ఎంతలా నిరోధిస్తే అంత మంచిది దేశానికి....
,

31, ఆగస్టు 2011, బుధవారం

లిబియ సింహం గడాఫీని పాశ్చాత్యులు వెంటాడడం వెనక దాగిన నిజాలు..


Truth behind attack on Libya's Gaddafi.. a friend's message...

I stayed in Libya for eight years. My wife used to treat the woman who was the wife of so called "Ustad of Gaddafi", M. Mohammed Khalil. He rarely visited any foreigner's house but did come to our house on some occasions. We were frequent visitor to his house. We knew many who were very close to Gaddafi and who actually provided Gaddafi the money to get educated as he came from a poor family. I do not think if any Arab or Muslim leader other than Mustafa Kemal Ataturk can be compared with him. All the money Libya made went in to building schools, hospitals, agriculture. I was the expert member in the medical board awarding pension and all poor and destitute were given pension. Infrastructure was superb and with 10 per cent of our salary we paid house rent, for the best food, the petrol and electricity. No murders, thefts, or muggings. Traffic cops won't spare even the most influential.

He argued the present form of democracy was a sham as the one who wins, gets just 15-20 per cent vote and does not truly represent the wishes of the people. Top bureaucrats were instructed to keep the rooms open so that any one could walk in. Rice, sugar, flour, oil, salt, and butter, were subsidized so that poor did not suffer. Sugar and flour cost just paise a kilo so much so that we used to buy a 100 kg sack of sugar. The people were boisterous and rough in behaviour but generous. Great respect was given to Indians specially the doctors. The real surprise was when ever I walked in to the room of my health minister, he will half get up as a mark of respect. I have never seen that happening any where in India. The bureaucrats were very courteous.

Gaddafi was a ruthless leader and I once asked a highly educated Palestinian surgeon how come Gaddafi behaved like that? His answer was "most Libyans either had no education or were poorly educated, and some were religious bigots. Giving them freedom might create chaos" That is the way they need to be ruled over. Something akin was said by Subhash Bose who had said if he became the ruler he will put India under dictatorship for 10 years. I have heard that but can not say with certainty if that was so.

No purda and no Talaq by repeating the words three times. Both had to agree to secure separation. He was some what anti rich and very rightly as the rich usually exploit. There may be exceptions.
It is a sad day as the western media and governments for the sake of petrol have conspired to oust him. He was opposed to their dictates of selling cheap oil.

His only fault was that he did support many terrorist groups in Philippines, and other places as he was a revolutionary to the core and treated them and regarded these terrorists as an exploited and suppressed lot. He has been vilified by western media like Saddam Hussein. Many times more lives have been lost after Saddam was removed. He was also ruthless and ruled with iron hands. One can see how difficult it is to contain violent people and some times means may be wrong but the end justifies that. History is written by powerful and victors not by the vanquished. So west may pour vitriol on Gaddafi.
There were bigger tyrants than Gaddafi and Saddam. Idi Amin of Uganda and Bokasa of Central Africa but they were left undisturbed as they had no oil.

I once asked one of my friends brother in Libya who was a professor and renowned pediatrician in a tertiary care Zurich hospital telling him how lucky Arabs were to have such a wonderful life with petrol dollars. His answer keeps ringing in my ears. He quipped “ I wish we had no oil as the west has made our lives miserable for the sake of oil. Our ancestors had no petrol but were a happy lot
The truth of the matter is, if any country in the world has any precious commodity or natural wealth that can make the living for westerns better, the Anglo-Saxons will make their life hell, and will plunder, create chaos and get a foot hold to enslave that country.

For those who understood Gaddafi, it would be difficult to have a brave person like him again, who single handed took on these western barbarians and never surrendered to them.
Where ever he is, and if he is, I wish him all the best.
T K Joshi

28, ఆగస్టు 2011, ఆదివారం

జీతెన్ మరాండీ ఉరిశిక్షను రద్దు చేయాలి..

Jiten Marande Vurisiksha Raddu - Vv-13!7!2011(1)

15, ఆగస్టు 2011, సోమవారం

భ్రమలొద్దు అన్నా..


అనుభవంలోకి వస్తేనే కానీ వ్యవస్థ లోని నిరంకుశత్వం బోధపడదు. అన్నాహజారే లాంటి వాళ్ళు ఇన్నాళ్ళు వ్యవస్థలోని భాగాలుగా NGO సంస్థల ప్రతినిధులుగా ఏదో బాగు చేసేస్తున్నామన్న భ్రమలలో తాముండి జనాలను మభ్యపెట్టారు. ప్రజలను ఉద్యమాలనుండి వేరు చేయడానికి తమ వంతు కృషి చేసారు. ప్రజాపోరాటాలను వ్యతిరేకించారు. సంస్కరణ వాదంతో కేన్సర్ వ్యాధికి పలాస్త్రీ వైద్యం చేయబూనారు. అలాగే రాజ్యహింసకు వ్యతిరేకంగా జరిగే పోరాట రూపాలను తీవ్రవాద ముద్ర వేయడంలో దోహదపడ్డారు. దీంతో కార్పొరేట్ పాలకులకు తమ కౄర పాలనకు వెన్ను దన్ను లభించడంతో ఇటువంటి వారిని తమ మీడియా ద్వారా ఆకాశానికెత్తేసారు. అలాగే వీళ్ళ ద్వారా ప్రజల పోరాట పటిమను అణచివేయడానికి సంక్షేమ పథకాల ముసుగులో లక్షల కోట్ల రూపాయలు అభివృద్ధి ముసుగులో దోచుకున్నారు. వ్యవస్థలోని ఉపరితలాంశాలను చూపుతూ మూలాలను దాచిపెట్టే ప్రయత్నాలకు వెన్నుదన్నుగా నిలిచారు. దాంతో వీళ్ళకి రామన్ మెగసేసేలు, భారత భూషణాలు లభించేసరికి తమను తాము హీరోలమనుకున్నారు.

పాలక వర్గాలకు వ్యతిరేకంగా మాటాడితేనే ఏమవుతుందో, ఆఖరికి 'సత్యాగ్రహం' లాంటిది చేద్దామన్నా, నిరసన తెలుపడానికి నలుగురు కూడుదామన్నా అనుమతులు దొరకకపోవడం అరెస్టులు చేయడానికి సైతం రాజ్యం ముందుకు వస్తుండడటంతో ఇన్నాళ్ళు రాని అసహనం, కోపం ఆక్రోశం బయటపెడ్తున్నారు. న్యాయవాదులు, మాజీ ఐపిఎస్ లకు కాళ్ళూ చేతులు ఆడటంలేదు. ఇన్నేళ్ళుగా సామాన్య గిరిజనం, బహుజనం అనుభవించిన నిరంకుశత్వం ఎంత తీవ్రమైనదో తెలిసివస్తోందా?

తాము అవినీతి పరులుగా పదిమందిలో పాలకవర్గాన్ని నిలుపుదామనుకుంటే మీరూ గురివింద గింజలే అని చూపుతున్న పాలకవర్గాన్ని చూస్తే నవ్వొస్తోంది..మరో వైపు అసహ్యమేస్తోంది..





5, ఆగస్టు 2011, శుక్రవారం

కా.సరోజ్ దత్తా స్మృతిలో...


ఈ దేశ ప్రజల విముక్తి కొరకు ప్రాణాలర్పించిన మొదటి రాష్ట్ర కమిటీ నాయకుడు (అవిభక్త సి.పి.ఐ.ఎంల్ పార్టీ), కవి, రచయిత కా.సరోజ్ దత్తా అమరుడైన దినం.

కా.సరోజ్ దత్తా వెస్ట్ బెంగాల్ లోని జెస్సోర్ లోని భూస్వామ్య కుటుంబంలో పందొమ్మిది వందల పద్నాలుగు లో జన్మించారు. కలకత్తా యూనివర్శిటీలో ఇంగ్లీషులో పోస్ట్ గ్రాడ్యుయేషన్ పూర్తి చేసాక అమృతబజార్ పత్రికలో నలభైల ప్రాంతంలో చేరారు. ఆ తరువాత పూర్తికాలపు కార్యకర్తగా భారత కమ్యూనిస్ట్ పార్టీలో 'స్వాధీనత' సంఘంలో చేరారు. 'పరిచయ్' అనే సాంస్కృతిక పత్రికకు సంపాదకునిగా కూడా పనిచేసారు.

అరవై రెండులో కా.సరోజ్ దత్తా కా.చారుమజుందార్ను జైలులో కలిసారు. ఆ తరువాత సిపిఐ నాయకత్వపు డెంగీ సిద్ధాంతానికి వ్యతిరేకిస్తూ మార్క్సిస్ట్ పార్టీలో అరవై నాలుగు చీలిక సందర్భంగా చేరారు. కానీ ఈ నయా రివిజనిస్ట్ నాయకత్వం అనుసరిస్తున్న కృస్చేవ్ మార్గాన్ని వ్యతిరేకించి సుశితల్ రాయ్ చౌదరి, అసిత్ సేన్ వంటి వారితో కలిసి మార్క్సిస్ట్ లెనినిస్ట్ స్టడీ సెంటర్ ను నయా రివిజనిస్టులకు వ్యతిరేకంగా ఏర్పాటు చేసారు. ఆ తరువాత నక్సల్బరీ పోరాట ఉధృతితో మార్క్సిస్ట్ పార్టీ బహిష్కరణకు గురయ్యారు.

ఎఐసిసిఆర్, సిపిఐ ఎం.ఎల్. పార్టీల ఏర్పాటుకు కా.సరోజ్ దత్తా ముఖ్యభూమిక పోషించారు. కా.చారుమజుందార్ నాయకత్వాన్ని బలపరుస్తు, పార్టీ అంతర్గత సైద్ధాంతిక చర్చలలో ప్రధాన భూమిక వహించారు.

పందొమ్మిది వందల డెబ్భై ల ప్రాంతంలో రాజ్యానికి మోస్ట్ వాంటెడ్ ప్రజా నాయకుడుగా మారారు. వారికి ప్రధాన శతృవుగా ప్రజల పక్షాన పోరాడే ముఖ్య నాయకుడిగా ప్రజల గుండెల్లో చోటు సంపాదించారు. రాజ్యం ఆగస్ట్ ఐదో తారీఖున డెబ్భై ఒకటో సం.లో కా.సరోజ్ దత్తా ను రహస్యంగా పిరికిపందలా చంపింది.

దేశబ్రతి పత్రికలో 'పత్రికార్ దునియార్' అని రాసిన పత్రం ఎం.ఎల్. రచనలలో గొప్పరచనగా నేటికీ గుర్తింపబడుతోంది..

ప్రజా నాయకుడైన కా.సరోజ్ దత్తా ప్రజల గుండెల్లో ఎప్పటికీ చిరంజీవి. అమర్ రహే కా.సరోజ్ దత్తా...




11, జులై 2011, సోమవారం

మానవ మృగాలు

లంక మారణ హోమంలో ఒక జాతి మొత్తం నాశనం చేయబడిన తీరు చూస్తుంటే మనం ఏ కాలంలో వున్నామన్న ప్రశ్న ఉదయిస్తుంది.. ఇంత దారుణం జరిగినా మాటాడని ఐక్యరాజ్య సమితి ప్రధాన కార్యదర్శి బాన్ కీ మూన్ కు అందుకే రెండో సారి పట్టం కట్టారా అనిపిస్తోంది.. మన దేశం నుండి వలస వెళ్ళి రెండో తెగ ప్రజలుగా అనేక విధాలుగా హీనంగా చూడబడ్డ వారిపై కనీస మానవత్వం చూపలేని ఈ దేశ పాలక వర్గం ఎంతకైనా తెగిస్తుందని తెలియవస్తోంది.. రాజీవ్ గాంధీ హత్య జరగడంతో ఆ దేశంలోని తమిళులపై జరిగిన దారుణ మారణ కాండను కనీసం ప్రశ్నించలేని మౌన ప్రేక్షకులైన ఈ దేశ పాలక వర్గం ఎంత కౄరమైనదో తెలుస్తోంది. ఒక జాతి మొత్తం తుడిచిపెట్టే దారుణాన్ని ఒడిగట్టిన దేశంపై కనీస మానవహక్కుల చట్టం గురించి మాటాడని అగ్ర రాజ్యాల అవకాశ వాదం ఇంకెన్ని బలిదానాలు కోరుతుందో? ఈ మారణ హోమం చూసిన వారికి ఎవరికైనా కడుపులో పేగులు నోట్లోకి రాక మానవు....చీ ఇంత నీచమైన కాలంలో బతుకుతున్నామా?




10, జులై 2011, ఆదివారం

తెలుగు వీర రత్నమా..




తెలుగు వీర రత్నమా

వెంపటాపు సత్యమా

ఆదిభట్ల కైలాసం
అందుకోండి జోహార్లు...

(జూలై-10 అమరులైన దినం)

29, జూన్ 2011, బుధవారం

ఒడ్డు చేరాక తెప్ప తగలేసిన దీదీ..



ఇటీవల జరిగిన ప.బెంగాల్ ఎన్నికల్లో కార్పొరేట్ సెక్టార్ పెట్టుబడులతో ఎన్నికల్లో నెగ్గిన మమత ఆ ఋణాన్ని తీర్చుకోవడానికి అధికారాన్ని వినియోగించడానికి ముందుకు వస్తున్నారు. టాటా కంపెనీకి రైతులనుండి సేకరించి అప్పనంగా ఇచ్చిన భూమిని తిరిగి అదే రైతులకు పంపిణీ చేయాలని ఇన్నాళ్ళు కొంగు నడుముకు చుట్టినట్లు నటించిన దీదీ తన అసలు సిసలు కాంగ్రెస్ కలర్ & కల్చర్ ను బయటకు తీస్తున్నారు. సుప్రీం కోర్టుకు వెళ్ళి స్టే ఆర్డర్ తెచ్చుకున్న టాటా కంపెనీ వారికనుకూలంగా వచ్చిన తీర్పును స్వాగతిస్తూన్నట్లు ప్రకటించడం దీనికి నిదర్శనం.. మరల ప్రజలు ఉద్యమించాల్సిన సమయం ఆసన్నమైంది...
వార్త ఆధారం

24, జూన్ 2011, శుక్రవారం

అభివృద్ధి - వెలుగు నీడలు - ప్రొ.ఆర్.ఎస్. రావు గారి వ్యాసం..


ఇటీవల అమరులైన ప్రొఫెసర్ ఆర్.ఎస్.రావు గారి ఈ వ్యాసం తొంభైల ప్రాంతంలో రాసినది. కానీ అది నేటి అభివృద్ధి వెనక దాగిన నీడలను అర్థం చేసుకొని మన ప్రాపంచిక దృక్పథాన్ని సరిచేసుకునేందుకు ఎంతగానో దోహదపడుతుంది. ఈ వ్యాసం రాసే సమయానికి ఆయన సంబల్ పూర్ యూనివర్శిటీలో పనిచేస్తున్నారు. నాటి ఒరిస్సాలోను, ఇటు ఆంధ్రలోని ఆనకట్టల వలన జరిగిన అభివృద్ధి తీరుతెన్నులను అర్థం చేసుకోవడానికి నేడు ఆంధ్రలో నిర్మితమవుతున్న పోలవరంవంటి భారీ ప్రాజెక్టులు, అలాగే ఒరిస్సాలో నేడు నిర్మితమవుతున్న పోస్కో, వేదాంత పరిశ్రమల అభివృద్ధి నమూనాల వెనక దాగివున్న వెలుగునీడల పర్యవసానాన్ని గ్రహించడానికి ఈ వ్యాసం ఎంతో దోహదం చేస్తుందన్నది నిర్వివాదాంశం అనొచ్చు. ఇటీవల తెలుగు వారిలో వేళ్ళపై లెక్కపెట్టగలిగిన అతి కొద్ది మంది పీడిత జన పక్షపాత మేధావులను వరుసగా కోల్పోవడం తీరని లోటు.


అబివృద్ధి - వెలుగు నీడలు - ప్రొ.ఆర్.ఎస్.రావు

మా యూనివర్శిటీ పక్కనే హీరాకుడ్ డాము వుంది. మహానది మీద కట్టిన ఈ ఆనకట్ట స్వాతంత్ర్యానంతర భారత దేశంలో మొట్టమొదటి బహుళార్థ సాధక ప్రాజెక్టు. కొన్ని వేల ఎకరాలకి నీటి సరఫరా నుండి అనేక ప్రాంతాలకు విద్యుత్ శక్తి సరఫరా దాకా వివిధ ప్రయోజనాలు నిర్వర్తించే ఈ ప్రాజెక్టు మన అభివృద్ధికి ఒక ప్రతీక. అయితే దీని చుట్టు పక్కల గ్రామాలకు ఇంకా కరెంటు రాలేదు. ఈ గ్రామాలలోని ఓ గ్రామంలో ఒక గిరిజనుణ్ణి ఈ ఆనకట్ట మీద అభిప్రాయం అడిగితే "దీపపు సమ్మె చుట్టు వెలుతురు ఉన్నా దాని క్రింద కొంత భాగం అది సృష్టించే నీడ కింద ఉండాల్సిందే కదా" అని ఎంతో తాత్వికంగా చెప్పాడు. అతని వ్యాఖ్య మన దేశంలో ’అభివృద్ధి’ పై ఒక ఎక్స్-రే రిపోర్టులా అనిపించింది..


’అభివృద్ధి’ అనే భావన ఏకకాలంలో క్లిష్టమయినదీ, సులభంగా అర్థమయ్యేదీ కూడా. సులభంగా ఎందుకు అర్థమవుతుందంటే ’అభివృద్ధి’ కున్న స్పష్టమైన దర్శనీయత (visibility) వల్ల క్లిష్టమయింది. ఎందుకంటే దాని వెలుతురుని అనుభవించి అర్థం చేసుకోగలిగినంత సులభంగా, అది సృష్టించే నీడల్ని అర్థం చేసుకోలేం కాబట్టి. ఆ వెలుగులో నీడల గురించే ఈ వ్యాసం.

మన దైనందిన జీవితానుభవాలను, మన మెరిగిన ప్రాజెక్టుకు, ఫ్యాక్టరీలు, సంస్థలు (institutions), విద్యాలయాలు మొ.న వాటి కార్యకలాపాలను, మన చుట్టూ జరిగే సంఘటనల నేపథ్యాన్ని -వీటన్నిటి సారాన్ని పోగుచేసి పరిశీలిస్తే ఈ ’అభివృద్ధి’ విశ్వరూపం, దాని ఫలితాలు చాలా వరకు అవగాహన అవుతాయి. ఇవన్నీ మనకు ’అభివృద్ధి’ లోని వేర్వేరు అంశాల్ని విడమర్చి చెప్తాయి. ఈ వివిధాంశాల మధ్య వైరుద్యాలు నీడల్ని వెలుగులోకి తీసుకొచ్చి మన మధ్య ’అభివృద్ధి’ అనే భావనని చర్చనీయాంశం చేస్తున్నాయి. హీరాకుడ్ చుట్టుపక్కల కరెంటు లేని గ్రామాలలొ గిరిజనుల జీవితం కానివ్వండి, కారంచేడు ఘర్షణ కానివ్వండి, విజయవాడ అల్లర్లు కానివ్వండి - అన్నీ ఈ ’అభివృద్ధి’ వెలుగునీడల్ని విశదరిచేవే. మన రాష్ట్రంలో కాటన్ దొర చలువవల్ల వందేళ్ళకు పైగానే చరిత్రను నిర్మించుకున్న ఈ ’అభివృద్ధి’ పర్యవసానాలు ఇప్పుడు ఒక రూపధారణ చేసుకుంటున్నాయి.

ఆనకట్ట కానివ్వండి, ఫ్యాక్టరీ కానివ్వండి, ఆ మాటకొస్తే యూనివర్శిటీ కానివ్వండి, సాధారణంగా చూస్తే ఓ పెద్ద శక్తిగా కనిపిస్తుంది. దాని వెనుక తప్పనిసరిగా ఎంతో జ్నానం దాగి వుంటుంది. ఈ ఘనీభవించిన మానవ
జ్ఞానం మానవుడి ఉత్పత్తి శక్తుల పెరుగుదలకి ఒక సూచిక.

హీరాకుడ్ ప్రాజెక్టుకాని, కాటన్ దొర కట్టిన ఆనకట్టలు కాని తీసుకుందాం. ఒకానొక నదీజలాల ప్రవాహాన్ని ఆపి, లేదా కుదించి, ఆ నీటిని ఇతర అవసరాలకు మళ్ళించేందుకు కావలసిన పరిజ్ఞానం సంపాదించి, సిమెంటు, ఇనుము, ఇతర పదార్థాలను సృష్టించి, వాటిని అవసరమైన స్థలానికి అవసరమైనంత మేరకు మళ్ళించి, ఆ నీటి వేగాన్ని అడ్డుకోవడానికి అవసరమైనంత శక్తిగల ఓ అడ్డుగోడను లేపటం వెనక ఎంతో శాస్త్ర సాంకేతిక
పరిజ్ఞానం వుంది. ప్రకృతి చలన సూత్రాలను ఉపయోగించి ఒక విశాల మానవ హస్తం అనంత జల ప్రవాహాన్ని అడ్డుకుని మానవ ప్రయోజనాలకు మళ్ళించడం మనల్ని అప్రతిభుల్ని చేస్తుంది. అందుకే ఎంతో మానవ జ్ఞానం ప్రోగుపడిన ఫలితంగా పెరిగిన మానవుడి ఉత్పత్తి శక్తులకు ఈ ఆనకట్ట ఒక సూచిక అవుతుంది.

ఇలా ఏ అభివృద్ధి పథకం తీసుకున్న దానివెనుక అనంతమైన
జ్ఞానం కనిపిస్తుంది. ఈ జ్ఞానం మానవ మేధస్సు నుండి క్రమానుగతంగా పెరుగుతుంటుంది. ఈ పెరుగుదల ఫలితంగా ఉత్పత్తి శక్తులు వికసిస్తాయి. వాటి వికాసపు ఫలితంగా ’అభివృద్ధి’ జరుగుతుంది. ఈ ’అభివృద్ధి’ కారణంగా ’అభివృద్ధి’ పథకాలు వివిధ రూపాలలో ముందుకు వచ్చాయి. మున్ముందు వస్తుంటాయి. ఆనకట్టలు, గనులు, కార్ఖానాలు, ఎత్తైన మేడలు, ఆ మేడల మీద ఎగురుతు వెళ్ళిపోయే విమానాలు, కంప్యూటర్లు, ఆ కంప్యూటర్లు చేయగల ఎన్నొ విచిత్రమైన పనులు - ఈ ’అభివృద్ధి’కి గల అనేకానేక రూపాలు (forms) మనకు సుపరిచితాలే. ఐతే వాటి సారం (essence) ఏమిటి?

ఏ ఉత్పత్తి శక్తుల పెరుగుదలైనా దాని వెనక నిబిఢమైన మానవ శ్రమ విజ్ఞానాల ఫలితమే. ఆ విజ్ఞానం ఒకానొక ప్రాపంచిక దృక్పధం కారణంగా పెంపొందుతుంది. అంటే అంతిమ పరిశీలనలో ఏ రూపంలో కనిపించే ’అభివృద్ధి’ పథకమైనా ఒకానొక ప్రాపంచిక దృక్పథం నుండి జనిస్తుందని తేల్చి చెప్పవచ్చు, ఆ రకంగా ఆయా ’అభివృద్ధి’ పథకాల సారం వాటికి కారణమైన ప్రాపంచిక దృక్పధమే. అందుచేత ఏదైనా పథకాన్ని తీసుకొని ఇది ప్రాపంచిక దృక్పధం "అభివృద్ధి’ అవునా కాదా అన్నది తేల్చుకోవాలన్నప్పుడు ఆ ’అభివృద్ధి’ పధకం ప్రాపంచిక దృక్పధంలో ఏమైనా మార్పులు తీసుకు వచ్చిందా లేదా అప్పటికే బలంగా వున్న వేరొక ప్రాపంచిక దృక్పధంలో తానే ఒక భాగమైపోతుందా అనే అంశాన్ని జాగ్రత్తగా గమనించాలి.


ఒక్కమాటలో చెప్పాలంటే ఒకానొక దేశ కాల పరిస్థితులలో మనిషికి ప్రకృతికి మధ్య గల సంబంధాన్ని లేక వైరుధ్యాన్ని గురించి తెలియజేసే ఒకానొక దృక్పధాన్ని ఒక నిర్థిష్టమైన ప్రాపంచిక దృక్పథంగా చెప్పుకోవచ్చు. మనిషికి ప్రకృతికి మధ్య వుండే సంబంధంలో ఐక్యత ప్రధానంగా ఉందా లేక ఘర్షణ ఎక్కువగా వుందా అనే అంశం అతడి ప్రాపంచిక దృక్పధాన్ని నిర్వచిస్తుంది. మనిషికి ప్రకృతితో ఐక్యత అనేది ఘర్షణ కంటే ప్రధానమైనదిగా వుంటే అప్పుడు అతని జ్నానం పెరగడానికి తద్వారా అతడి ఉత్పత్తి శక్తులు పెరుగుదలకి దాని మూలంగా సాధ్యమయ్యే అభివృద్ధికి అవకాశముండదు. ఇది ఫ్యూడల్ ప్రాపంచిక దృక్పధం. అంటే ప్రకృతి అందించే వనరులని యదాతథంగా వాడుకోవడం తప్ప. దాని చలన సూత్రాలని పరిశీలించి వాటిలో దాగిన రహస్యాలను ప్రశ్నించి, అంతకు ముందు సేకరించిన జ్నానాన్ని మెరుగుపరచడం, ఈ ఫ్యూడల్ ప్రాపంచిక దృక్పధం లో వుండదు. ప్రకృతితో మమేకమవ్వడం లేదా సర్దుకుపోవడం దీని ప్రధాన లక్షణం. ఈ ఫ్యూడల్ ప్రాపంచిక దృక్పధంలో వుండే జ్ఞానమంతా ప్రకృతి అందించే కానుకగా, వున్నదున్నట్టుగా ప్రకృతి వనరులని వినియోగించుకోవడంగా వుంటుంది. అంతిమ పరిశీలనలో అది నిరంతర పరిణామానికి గురయ్యే పరిశోధనా స్రవంతిగా కాకా, ఎల్లప్పుడూ యదాతథంగా కొనసాగుతు ముందు తరాలకు పవిత్రంగా అందించబడే నమ్మకాల ప్రవాహంగా వుంటుంది. చివరికి జ్నానమనేది కొంత అనుభవం ప్రాతిపదికగా ఏర్పడిన ఓ తిరుగులేని విశ్వాశంగా మారిపోతుంది.


ఐతే నిజమైన "అభివృద్ధి ఉత్పత్తి శక్తుల పెరుగుదలకు దోహదపడుతుందని మనకు తెలుసు. ఆ ఉత్పత్తి శక్తుల పెరుగుదల వివిధ రంగాలలో మానవ
జ్ఞానం వికసించడం మూలంగా జరుగుతుందని తెలుసు. ఈ జ్ఞానవికాశం ప్రకృతి కరుణ కోసం ఎదురుచూస్తూ కూచోదు. అది ప్రకృతి నియమాలను శోధించి, బేధించి అనేక అడ్డంకులను అధిగమించే నిరంతర సంఘర్శణల ఫలితం. ఇలా నిర్విరామంగా ప్రకితితో మనిషి సాగించిన ఘర్షణనుండే అనేక ఆవిష్కరణలు జనించాయి. ఊహకందని "అభివృద్ధి’ సాధ్యపడింది. ప్రకృతితో ఐక్యత కంటే ఘర్షణ ప్రధానమైన ఒకానొక ప్రాపంచిక దృక్పథం వున్నప్పుడే ఇలాంటి జ్నాన వికాసం సాధ్యమవుతుంది. దీనిని ప్రస్తుతానికి పెట్టుబడిదారీ ప్రాపంచిక దృక్పధమని చెప్పవచ్చును.

ఆనకట్టల విషయాన్నే తీసుకుందాం. సింధులోయ నాగరికతా కాలంనుండే మనిషి కాలువలు త్రవ్వడం, నీటిపారుదల సదుపాయాలు మెరుగుపరుచుకోవడంలాంటివి చేస్తూ వచ్చాడు. అయితే అది ప్రకృతి అనుగ్రహించిన మేరకు తప్ప, ప్రకృతిలో నిబిడమై వున్న సూత్రాల ఆధారంగా దానితో ఘర్షణపడి, మరింత మెరుగైన సౌకర్యాలను సృష్టించుకోవడం కాని, అది ఫ్యూడల్ ప్రాపంచిక దృక్పథంలో సాధ్యంకాదు. అలా జరగాలంటే ప్రకృతితో ఘర్షణలో భాగంగా, ప్రకృతి నియమాలను గ్రహించి ఆర్జించిన జ్నానంతోనే సాధ్యపడుతుంది. కోస్తా ఆంధ్రలో విజయవాడ లోని "అభివృద్ధి’ కూడా ఈ రకం
జ్ఞానం వల్లే సాధ్యమైంది. కాటన్ దొర కట్టిన ఆనకట్టలు, తద్వారా వ్యవసాయ రంగంలో వచ్చిన మార్పులు, ఆ రంగం నుండి అదనపు విలువ ఇతర రంగాలలోకి రావడం అనే క్రమం వల్లే ఈ "అభివృద్ధి’ సాధ్యమయింది. మన దేశంలో ఈ అభివృద్ధి ఏ ప్రాపంచిక దృక్పధాన్ని జనరేట్ చేస్తుందనేదే మనముందున్న ఏకైక ప్రశ్న. వంద సంవత్సరాల "అభివృద్ధి మిగిల్చిన శేష ప్రశ్న.

ఈ ప్రశ్నకి సమాధానం మన రోజువారి జీవితంలో అంతర్లీనంగా మెసులుతూనే వుంటుంది. ఉదాహరణకి ఇంట్లో ఎవడైనా కుర్రవాడు టేబుల్ మీద వున్న పెన్నును తీసుకున్నాడనుకోండి. వాడిలో అనేక ప్రశ్నలుంటాయి. దానిని వాడు రకరకాలుగా పరీక్షిస్తాడు. అటూ, ఇటూ తిప్పుతాడు. దాని భాగాలను విడదీస్తాడు, వాటిని మళ్ళీ కలుపుతాడు. ఏదో ఒక కొత్త విషయం తెలుసుకున్న విచిత్రానుభవానికి గురి అవుతాడు. వాడిలో ఈ కుతూహలం ప్రకృతితో ఘర్షణ లాంటిది. కానీ ఈ లోగా పెద్దవాళ్ళెవరో వస్తారు. ఈ పెన్ను ఎందుకు ముట్టుకున్నావని కసిరి దానిని జాగ్రత్తగా వాడుకోవాలని హెచ్చరిస్తారు. వాళ్ళ హెచ్చరిక ప్రకృతితో ఐక్యతను ప్రతిపాదిస్తుంది. పెన్ను గురించి ఎన్నో ప్రశ్నలున్న పిల్లవాడు "పెన్నుని విప్పడం తప్పు దానిని పదిలంగా భద్రపరుచుకోవాలి " అనే భావజాలాన్ని ఒక నమ్మకంగా స్వీకరిస్తాడు. ప్రశ్నించే మానవుడి ప్రాపంచిక దృక్పధం వలన,
జ్ఞానం వలన తయారైన పెన్ను, సాంప్రదాయంగా వస్తున్న నమ్మకాలని మరింత బలోపేతం చేసే సాధనమవుతుంది.

హిరాకుడ్ ఆనకట్ట కట్టాక నిజంగా ఉత్పత్తి శక్తులు పెరిగి, అది ఆ రకం ఆనకట్టల్ని విదేశీ సహాయం లేకుండా కట్టగలిగే జ్నానాన్ని మనకిచ్చి అభివృద్ధి కారకమై ప్రాపంచిక దృక్పధంలో మార్పులు తీసుకుని వచ్చి ఉంటే ఈ ఆనకట్టల వలన, "అభివృద్ధి’ వలన పురోగమనం సాధ్యమవుతుందనే స్పృహ వచ్చి ఉండేది. అయితే ఈ ఆనకట్ట ప్రక్కనే కొత్తగా కడుతున్న రేంగాలి ఆనకట్టాకి వ్యతిరేకంగానూ, ఇదే జిల్లాలో ప్రభుత్వం చేపట్టిన ఓ పెద్ద అల్యూమినియం ఫ్యాక్టరీ (BALCO) కి వ్యతిరేకంగానూ ప్రజలు పోరాడుతున్నారు. ఈ ప్రజాందోళన ఏమిటి సూచిస్తున్నట్లు? అలాగే వంద సంవత్సరాల కోస్తా ప్రాంత అభివృద్ధి క్రమం ప్రాపంచిక దృక్పథంలో మార్పు తెచ్చి వుంటే విజయవాడలో ఒక హత్య, అంత పెద్ద ఎత్తున కుల తగాదాలకు దారితీసి వుండేది కాదు. ఈ భీభత్సకాండ, ముదిరిపోతున్న కులతత్వం విధ్వంసక ప్రవృత్తి, విశృంఖలంగా పెరుగుతున్న రాజ్య హింస దేనిని సూచిస్తున్నట్లు?


ప్రకృతితో మానవుడు జరిపే నిరంతర సంఘర్షణ ఫలితంగా వచ్చిన జ్నానం ఆ జ్నాన వికాస ఫలితంగా మనకు సాధ్యమయిన అభివృద్ధి, ఆ సంఘర్షణను నిరాకరించే (Tegate) ప్రాపంచిక దృక్పథానికి మరింతగా బలాన్ని చేకూరుస్తున్నాయి. మరో భాషలో చెప్పాలంటే మన దేశంలో ఎంతగా అభివృద్ధి జరిగితే అంతగా ఫ్యూడల్ ప్రాపంచిక దృక్పథం బలపడుతూ వస్తోంది. ఎంత పెద్ద వెలుగు వెనక అంత పెద్ద నీడలా, హిరాకుడ్ లో ఆనకట్టనీ, బీసెంటు రోడ్డులో భవనాన్ని, అభివృద్ధి భౌతిక రూపాలను "అభివృద్ధి’గా మనం పరిగణిస్తూ వస్తున్నాం. కాని అభివృద్ధి అంటే ప్రాపంచిక దృక్పథంలో మార్పు అని మనం గుర్తించగలిగిన నాడు "అభివృద్ధి’ మన జీవితాల్లో సృష్టిస్తున్న విధ్వంసకాండని, మన మనస్సులో సృష్టిస్తున్న గందరగోళాన్ని అర్థం చేసుకోగలిగిన వాళ్ళమవుతాం. అప్పుడు బహుళ హిరాకుడ్ ప్రక్కన కరెంటు లేని గ్రామంలో గిరిజనుడు చెప్పిన దీపపు సెమ్మ క్రింద చీకట్లలో పోరాడుతున్న ప్రజలను నడిపించే ప్రాపంచిక దృక్పథమే "అభివృద్ధి’గా ఆవిష్కరించుకుంటాం.


(ఈ వ్యాసం విశాఖపట్నం సాగరగ్రంథమాల వారి ప్రచురణ అయిన మనలో మనం (1990 సెప్టెంబరు ప్రచురణ) వ్యాస సంకలనం నుండి గ్రహించడమైనది)

జ్ఞానం

21, జూన్ 2011, మంగళవారం

దీపధారి..



నింగికెగసిన ఉద్యమ తార
నిక్కచ్చైన ధిక్కార స్వరం
దగాపడ్డ తెలంగాణా ఆలపించిన విముక్తి గేయం

నాలుగు కోట్ల ప్రజల గుండెల్లో వెలిగిన దీపధారి
జయహో తెలంగాణా నినాదమైన జయశంకర్ మాస్టారూ
మీకివే మా జోహార్లు...

17, జూన్ 2011, శుక్రవారం

ప్రొ.ఆర్.ఎస్.రావు గారికి జోహార్లు



ప్రముఖ మార్క్సిస్టు అర్థ శాస్త్రవేత్త, గణాంక శాస్త్రవేత్త ప్రొ.R.S.రావు గారు ఇక లేరు.. ఆయన అరుదైన మార్క్సిస్ట్ మేధావులలో ఒకరు, పీడిత ప్రజల పక్షపాతి, మార్క్సిస్ట్ ఉపాధ్యాయుడు ఈ మధ్యాహ్నం ఢిల్లీలో 1.40 PM కు చనిపోయారు.. ఆయన గోథలే ఇన్ స్టిటూట్, పూణే, ఇండియన్ స్టాటిస్టికల్ ఇన్స్టిటూట్, కోల్ కతలలో పనిచేసి సంబల్ పూర్ విశ్వవిద్యాలయంలో ప్రొఫెసర్ గా పదవీ విరమణ చేసారు. సామాజికార్థిక రాజకీయ పరిశీలకులుగా, ఉత్పత్తి శక్తుల నక్సల్బరీ పోరాట మార్గాలను విశ్లేషిస్తూ పుస్తకాలు రాసారు. ఉపన్యాసాలిచ్చారు. అభివృద్ధి-వెలుగు నీడలు (1990), Towards understanding Semi colonial Society (1995), కొత్త చూపు (2011) వెలువడ్డాయి..

ప్రొ.సోమేశ్వరరావుగా ఇటీవల ఒరిస్సా మల్కన్ గిరి జిల్లా కలెక్టర్ కిడ్నాప్ సమయంలో మధ్యవర్తిగా అందరికీ సుపరిచుతులు..

ఆయన లేని లోటు పూడ్చుకోలేనిది.. వరుసగా ఆ తరం మేధావి వర్గాన్ని కోల్పోతుండడం బాధాకరం..
ఆయనకు జోహార్లర్పిద్దాం...
(పోటోలో ఈ చివరి వ్యక్తి)

10, జూన్ 2011, శుక్రవారం

ప్రొ.దేవేందర్ పాల్ సింగ్ భుల్లార్ ను విడుదల చేయాలి



టాడా చట్టం ఉక్కుపిడికిలిలో మరో ప్రొఫెసర్..

పంజాబ్ మారణ హోమంలో సమిధలైపోయిన ఎంతో మంది సిక్కు యువకులలాగే ప్రొ.భుల్లార్ కూడా తప్పుడు కేసులో ఇరికించబడి పోలీసు అధికారి ముందు ఇచ్చిన వాంగ్మూలం ద్వారా ఉరిశిక్షకు గురై నేడు తను పెట్టుకున్న క్షమాభిక్ష పిటిషన్ రాష్ట్రపతి తిరస్కారానికి గురై జైల్లో పదహారు సం.లుగా మగ్గుతూ శారీరకంగా, మానసికంగా తీవ్ర అనారోగ్యం పాలైనారు. ఇప్పటికే యావజ్జీవ కారాగార శిక్షాకాలాన్ని పూర్తి చేసిన ఆయనను వెంటనే విడుదల చేయాలని ప్రజాస్వామిక వాదులంతా డిమాండ్ చేయాల్సిన అవసరముంది...

పూర్తి వివరాలకు ఈ లింక్ చూడండి..

6, జూన్ 2011, సోమవారం

ఇప్పవనాల గాలి సూరీడు చేరింది..

మనందరికీ అజ్నాత సూరీడుగా పరిచయమైన నెమలూరి భాస్కరరావు గారు మొన్న జూన్ 1 విజయవాడ క్రిష్ణ లంకలో తన కుమారుని ఇంట గుండెపోటు కారణంగా మరణించారు. ఆయన విప్లవోద్యమంలో పనిచేసిన కాలంలో మల్లిక్ గా రాష్ట్ర నాయకుడిగా అందరికీ పరిచయం. ఉద్యమంలో కొనసాగుతున్నప్పుడు వెన్నెల పాట, ఇప్పవనాల గాలి కవితా సంకలనాలు, పాటలు, చైనా కథలు అనువాదాలు వెలువరించారు. ఉద్యమం వీడి వచ్చాక కథలు రాసారు. ఇండియాటుడే, ఆంధ్రజ్యోతి మొ. పత్రికలలో వచ్చాయి. కథలలో జీవన సంఘర్షణను కొత్తకోణంలో చూపే ప్రయత్నం చేసారు.
ఉద్యమంలో వున్న కాలంలో చివర్లో తన ఒంటెత్తు పోకడ, సైద్ధాంతిక విభేదాలు విమర్శలకు గురయ్యాయి.

అయినా ఉద్యమ జీవితానికి, బయట తను బతికినన్నాళ్ళు అదే నిబద్ధతతో జీవించి చూపిన ఆచరణకు జోహార్లర్పిస్తూ...
ఆయన కవితా పాదాలు కొన్నిః
ఉద్యమం ఇప్పుడింకెంత మాత్రం
నెలబాలుడు కాదు-
అది మైదానాన్ని - అడవినీ
ఆక్రమించి -
ఆకాశం కోసం
రెండో పాదం
దాచి వుంచిన
వామన పాదం అది!
2.
భయం నీటి పాములాంటిది
కాటేస్తే ప్రతీక్షణం చస్తాం!


బరువు తగ్గిస్తుందేడుపు కానీ-

బాధ్యత మిగిలే వుంటుంది!


ఉత్సాహం ఉప్పెనలా ఉండరాదు

ప్రవహించే ఏర్లాగుండాలి!
(ఇప్పవనాల గాలి నుంచి)

25, మే 2011, బుధవారం

వసంత మేఘ గర్జన..


తూరుపునుండి
వీచిన ఓ వడగాడ్పు
దేశాన్ని మొద్దు తనంనుండి
తట్టిలేపి బక్క రైతు చేతిలోని
కొడవలే ఆయుధంగా
నలుదిశలా ఎలబారి
పెట్టిన పొలికేక అది..

విముక్తి కోసం
వేసిన మొదటి అడుగు...
అది నేడొక ఊరి పేఋ మాత్రమే కాదు
నక్సల్బరీ నేడు సర్వనామమైంది...

సిక్కోలు ఆదివాసి చేతిలో
నాటు తుపాకీ పేలింది
సావుకారి గుండెల్లో
గునపం దిగింది
ఇక్కడ మరో ఏనాన్ వెలిగింది....

వసంత మేఘ గర్జన
దేశమంతా వినబడింది
దోపిడీ దారుల గుండెల్లో
పిడుగు పడింది....

ఎఱ కోట బీటలు వారింది
అంతా అణగి మణగి పొయిందనుకున్న
నక్సల్బరి ఫీనిక్స్ పక్షిలా
రెక్కలల్లారుస్తూ
లేస్తూనే వుంది

దండకారణ్యం నేడు విముక్తి నగారా మోగిస్తోంది...

(నక్సల్బరీ రైతాంగ పోరాటానికి నేడు నలబై నాలుగేళ్ళవుతున్న సందర్భంగా)

20, మే 2011, శుక్రవారం

స్వప్న పథికుడు..


కలలు అంతా కంటూ వుంటాం!
కానీ అవి కంటి రెప్పల కావలే కరిగిపోతుంటాయి...

గుండె నిండా నిబ్బరంతో
చివరి రక్త బొట్టు వరకు వాటి
సాకారం కోసం కత్తిమీద సాము చేసే
కలల ధీరులు కొద్దిమందే!

నీ జాతి జనుల బానిసత్వ
విముక్తి కోసం
నువ్వెత్తి పట్టిన ఝెండా రెపరెపలకోసం
నువ్వే మందుపాతరైన క్షణాన
శతృవు ఉక్కు పిడికిలిని
విధ్వంసం చేసిన కాలం
చరిత్రలో నీ నెత్తుటి సంతకం...

కాల మేఘాలు కమ్మిన వేళ
నీ తుపాకీ నిరంతరం గర్జిస్తూనే వుండాలన్న
నీ ఆశయం నీ మీసం వెనకాల
దాగిన నీ చిర్నవ్వు...

ప్రభాకరా నీ ఉదయం
కోసం ఆర్తిగా నీ జాతి
యావత్తూ నిలబడిందీ నేలమీద....

(తమిళ పులి ప్రభాకరన్ ద్వితీయ వర్థంతి సందర్భంగా)

15, మే 2011, ఆదివారం

జోహార్ రాములు సార్..



కోల్పోయాం ఓ హక్కుల నేతను..

నిర్బంధ జ్వాలల నడుమ
మాటాడే అగ్నిపునీతను...

పదుగురికోసం
బడుగుల హక్కుల కోసం
పీడితుల జీవిక కోసం
బతుకంతా పోరాడిన
ఓ స్వేచ్చా విహంగాన్ని
ప్రజాస్వామిక సూత్రాన్ని...

ఇది విషాద సమయం!

తిరిగి గుండె నిబ్బరాన్ని
కూడగట్టుకోవాల్సిన
అవసర సమయం...

జోహార్ రాములు సార్..
జోహార్...

2, మే 2011, సోమవారం

నువ్వొక్కడివే....




నిన్ను చంపేసామని
నువ్వు ఇంకలేవని
నీ నీడ మరి కనబడదని
నీ గొంతు వినబడదని
నీ భౌతిక కాయం సముద్రంలో కలిపేసామని
శ్వేత సౌధంలో ఈరోజు హాయిగా
కడుపునిండా తాగి నిదురోతున్నాడు...

భూమండలాన్నంతా చాపలా చుట్టి
తన చంకలో పెట్టుకున్నానని విర్ర వీగిన
హిరణ్యకశిపుడి డొక్కలో నీవు తన్నిన తాపుకు
వాడికి ఊపిరాడలేదిన్నాళ్ళు...

ప్రపంచాన్నంతా సరకుజేసి కట్టుకున్న
తన వ్యాపార మూల స్తంభాలు కూల్చిన
నీ నేర్పరితనం జూసి వాడి కాళ్ళ కింద నేల నెర్రెలు బారింది...

వాడి సాంకేతికత అంతా ఒట్టి
పటాటోపమేనని నిరూపించావొక్కడివే...

ప్రాణ భయంతో కలుగులో దూరిన వాడి
మొఖం చూసిన క్షణం బడుగు జనాల
గుండె మూడింతలయ్యిందన్నది ముమ్మాటికీ నిజం...

వాడి గుండెల్లో పరిగెత్తిన విమాన రొద
ఎప్పటికీ విజయ చిహ్నమే...

నిన్ను పట్టుకున్నామన్నది
వాడి గొప్పతనంకాదని ఎవడో యూదా కావచ్చు
లేక బ్రూటస్సో లేక కత్తుల సమ్మయ్యో కావచ్చు
నీ ఆనుపానులు చెప్పిన తల్లి కడుపులో
చెయ్యి పెట్టిన ద్రోహి...

నువ్వు చేసింది తప్పనిపించలా ఇప్పటికీ...

కానీ
నువ్వు లేవన్నది మింగుడుపడట్లేదెందుకో....

24, ఏప్రిల్ 2011, ఆదివారం

సంతాప దినాలు ఎవరికి??

సాయిబాబాను నెలరోజులుగా కుళ్ళబెట్టి రోజుకి సెటిల్మెంటులన్నీ పూర్తయి అంతా సర్దుకున్న తరువాత మరణించినట్లు ప్రకటించి ప్రభుత్వం 3 దినాలు సంతాపం, రెండు రోజులు సెలవు ప్రకటించింది..

భగవంతునిగా తనను తాను ప్రకటించుకొని ఆడంబరమైన జీవితం గడిపి, బడా వ్యాపారస్తులకు, రాజకీయ నాయకులకు అండదండలిస్తూ సంపాదించిన దాంట్లో కొంత భాగాన్ని విద్యా వైద్య సౌకర్యాలకు వెచ్చించి మిగిలిన ఆదాయానికి లెక్కలులేని విలాసపురుషుడు మరణిస్తే సెక్యులర్ దేశంగా ప్రకటించుకున్న పాలకులు సంతాప దినాలు ప్రకటించడం సమంజసమా?

ఇప్పటికే ఉప ఎన్నికల ప్రభావంతో పాలన స్తంభించిపోయింది..
ఇంకా రక రకాల కారణాలతో సెలవులనుభవించే కార్యాలయాలకు సెలవులు ప్రకటించడం న్యాయమా?

కోట్లాది రూపాయల నల్లధనం, బంగారం ఇంతకాలం దాచుకున్న మోసగాళ్ళ నిలయం పుట్టపర్తి.. ట్రస్టు సభ్యులుగా వున్న వారంతా కారణమూ లేకపోతే ఇంత కాలం దాగుడు మూతలాడతారు?
అదేమైనా స్వతంత్రం ప్రకటించుకున్న నగరమా? రాష్ట్రప్రభుత్వం చేష్టలుడిగి చూస్తూ వున్నదంటే?

ఇన్నాళ్ళుగా దాచుకున్న బంగారం, నల్ల డబ్బు తరలిపోయాక ఇప్పుడు శవాన్ని చూపించి వార్తా చానళ్ళ నిండా లైవ్ షో లిస్తూ ప్రజలను మోసపుచ్చడం కాదా?
ఇన్నాళ్ళు ఇంత దాపరికం దేనికి?
ఇవన్నీ భేతాళ ప్రశ్నలుగానే మిగిలిపోతున్నాయి..

18, ఏప్రిల్ 2011, సోమవారం

విరిగిపడిన ఊచలు




కళ్ళకు గంతలున్నాయిలే

ఆమెకు ఏమీ అగుపడదని

తన మూర్ఖపు ఆలోచనతో

రాజ్యం ఓ చంటి పిల్లల

డాక్టర్ ని ఇనుప ఊచల

వెనక నెట్టి హమ్మయ్య

అని ఊపిరి పీల్చిన వేఃళ!


న్యాయం నీ గుండెలపై

సమ్మెట దెబ్బ వేస్తూ

ఇంకా ఇక్కడ వెలుగుతూనే

వుందని నిరూపించిన వేళ!!


ఆయన రాకతో ఓ పెద్ద

పర్వతాన్నే తొలిచివేసిన

ఆనందం అర్ణవమై

అంతా మోదుగుపూలు

పరచుకున్నాయీ వేళ....


(కొద్ది సేపటి క్రితం డా.బినాయక్ సేన్ రాయపూర్ జైలునుండి బైల్ పై విడుదలయ్యారన్న వార్త విని)