నవ్వూ యుద్ధ వ్యూహమే..

నీలా వెన్నెల కురిసేలా నవ్వగలగడం
కూడా యుద్ధ వ్యూహమే కామ్రేడ్

శతృవు గుండెల్లో గుబులు పుట్టించే
ఆ నవ్వు కూడా ఆయుధమే కామ్రేడ్

మా గుండెల్లో దిగులు పారదోలే
సాయుధరూపం నీ నవ్వు కామ్రేడ్

నీ నవ్వు మహా ప్రస్థానానికి
ఉద్యమ గేయం కామ్రేడ్

నీ నవ్వు అంబరాన
ఎగరేసిన ఎర్రజెండా కామ్రేడ్

నీ నవ్వునింకా బాలింతరపు పరిమళం
వీడక పునర్జన్మిస్తూనే వుంది కామ్రేడ్..